17.9 C
Hong Kong
星期二, 十二月 12, 2017
OP娛樂 【有期啦!】宣佈7月11號...

【有期啦!】宣佈7月11號出嫁!

15215
0
分享
王君馨自從演完「城寨」花曼一角,就不斷向有難度嘅角色挑戰,之前喺《心理追兇》做人格障礙嘅患者,現實中王君馨就嚟做幸福人妻,嚟緊7月11號喺中環「美國會」擺酒,當日係佢同圈外男友Daniel嘅相識紀念日,今日有周刊指,王君馨早前已揀好價值十幾萬嘅金色裙王同金器,又忙住打點婚宴,佢話之前諗住着旗袍斟茶,不過啲好姊妹勸佢着裙褂,不過王君馨最抗拒就係戴金豬,覺得好奇怪,又話童話三隻小豬嘅故仔,係唔係俾狼食咗。

報道又指,王君馨一直以為搞婚禮好似搞生日P咁,有飲有食就得,點知婚宴原來好多細節要搞,今次係同時籌備兩個婚禮,一個喺香港、一個喺外國,所以有搵wedding planner,不過每朝要接好多電話講有關婚禮詳情,王君馨都覺得好煩,做新娘好攰,婚紗都未揀好,設計都改咗3次,不過王君馨話好在自己見到圈外男友Daniel就好期待婚後生活,仲有一班「處女黨」成員幫手諗去邊度蜜月,又教佢要慳錢,做佢心靈輔導,教友衛蘭就會喺婚宴上唱詩歌送上祝福。

王君馨又喺報道中講曾同圈外男友Daniel喺搞婚宴上有意見分歧,男友希望兩地婚禮嘅時間耐啲,而王君馨就想個時間距離近啲,唔想冇咗結婚嘅感覺,最終男友都遷就佢,王君馨又話本來度蜜月想去用一個半月去幾個地方,不過Daniel剛返新工,只可以去10日,佢又話始終男友為咗佢嚟香港工作定居,所以自己都已經好滿足,目前二人都係分開住,一個禮拜見一次,王君馨同男友已有共識,婚後過兩、三年二人世界,先再生小朋友。

 

 

(蘋果日報)

留下一個答复

請輸入留這
請輸入名字

喜歡我們的文章嗎?按個讚吧!

關 閉 視 窗

(5329)