29 C
Hong Kong
星期六, 六月 24, 2017
OP娛樂 【分開過復合過】承認已經分...

【分開過復合過】承認已經分手:唔會再復合

50
0
分享
龐景峰前女友、「翻版栢芝」楊埕同何紫綸今晚喺中環出席攝影展,楊埕講到最近有肯雅嚟朋友陪佢:「之前選美識,所以日日有朋友陪。」提到之前佢喺facebook呻寂寞,佢解釋:「因為好多朋友都要做嘢,放假又要陪男友,唔知搵邊個。」

問到同龐景峰係唔係真正分咗手,佢直認:「係,大概4月10號,因為工作而嗌交,覺得大家都唔係好識得體諒大家,所以我覺得我要走。」楊埕講到唔係因為形象性感,搞到對方唔鍾意:「都唔係,做嘢各有各做,我哋做嘢見嘅人唔同,又唔係咁認識,唔好畀咁多意見。」

問到佢哋多次離合,會唔會又復合,佢就話今次唔會:「我覺得佢有啲小朋友,大家都相處咗幾年,去過好多地方都好開心,不過唔想再一齊,暫時唔諗拍拖,都係單身先,事業為重。」楊埕話o依家唔想拍拖:「仲知係做朋友算,做朋友好過做情人,o依家係發奮期,早排唔開心,睇電視劇都會喊,可能被劇情感染唔開心,不過o依家冇事,同龐景峰都冇聯絡。」

 

 

(蘋果日報)

留下一個答复

請輸入留這
請輸入名字

喜歡我們的文章嗎?按個讚吧!

關 閉 視 窗

(36)