31.7 C
Hong Kong
星期六, 七月 21, 2018
OP娛樂 【母乳媽媽唔易做】敏之:再...

【母乳媽媽唔易做】敏之:再辛苦又算得係乜!

31
0
分享
陳敏之喺去年底升呢做媽媽,坐完月冇耐就復出拍劇,佢仲不時update fb分享佢拍緊嘅《溏心風暴3》,而阿仔雷冬至轉眼間已經四個幾月,敏之又要忙住拍劇,在職媽媽真係唔易做,仲要係母乳媽媽更加唔容易!

而敏之今日一早就放咗佢日前喺facebook live抱住阿仔嘅相,仲分享在職母乳媽媽嘅辛酸,佢話:「有感而發….當母乳媽媽已經四個半月…真的不容易,每天都希望有充足的母乳給BB,幸運地我能做到,每天開工拍劇,除了要兼顧角色上的處理,做好演員的本份!我也要偷時間,在放飯,對稿,等埋位,甚至拍到中途,未有我的部分時,用秒速跑去服裝間(已經有一間常用的泵奶房)或上自己的呠呠車上泵母乳,一邊泵一邊看劇本,準備定下一場的對白是常識吧!因為我知道如果時間久了,再拖吾泵,就會塞,到時就弊家伙!另一方面,又怕會影響拍攝,在種種的壓力之下,務必完成!」

除咗辛酸之外,佢仲話好多謝劇組:「這段艱辛的日子,真心感謝《溏心》劇組的所有人對於母乳的支持和尊重,常常安排時間給我進行偉大工程!還有服裝間的每一位,最重要是運奶專員(阿柱),幫手在外景時買冰雪母乳,每天安全把母乳運回家中給BB,真是功不可沒!我知道餵母乳的日子不會很長,雖然過程係辛苦啲, 但我一定會好唔捨得,放棄很容易,堅持係最難!毎當我見BB越來越結實,笑騎騎的望著我時,再辛苦又算得係乜!健康是無價寶!寫這篇文…是想給他將來看看媽媽有多愛您!媽媽會繼續堅持和努力!每天愛您多一些!媽媽上。」

 

(蘋果日報)

 

留下一個答复

請輸入留這
請輸入名字

喜歡我們的文章嗎?按個讚吧!

關 閉 視 窗

(14)