OP娛樂 【結婚三個月即刻升呢做父母...

【結婚三個月即刻升呢做父母﹗】 本周迎B女﹗

12828
0
分享

韓國元祖男團H.O.T嘅39歲前隊長文熙俊,去年11月宣佈跟女團Crayon Pop成員昭燏嘅婚訊,二人亦已於今年2月結婚。由於突然宣佈閃婚,當時外界已推測二人係奉子成婚,不過二人當時就極力否認。今日,韓媒《Dispatch》就踢爆二人係奉子成婚,昭燏亦將於本月生B,二人榮升父母。

 

據報道,文熙俊及昭燏於2月舉行婚禮時,當時昭燏已經懷孕。相關人士表示:「昭燏懷孕初期時有嚴重害喜,二人目前正小心地等待孩子嘅誕生,文熙俊亦做好當爸爸嘅準備,於繁忙日程中亦定期陪伴妻子到婦產科進行體檢。」

 

隨後文熙俊方面承認即將做老竇一事,更透露BB係女,太太嘅預產期係本周,不過未有正面回應奉子成婚一事,只表示:「希望大家體諒。」

 

另外,昭燏去年10月聲稱因患上驚恐症而停工,唔少網民都表示:「係因為當時有嚴重害喜吧?」

留下一個答复

請輸入留這
請輸入名字