OP娛樂 【拖住手現身﹗】坦言:今年...

【拖住手現身﹗】坦言:今年28歲係關鍵嘅時候

23898
0
分享

藝人何佩瑜(Jeana)與導演男友翁子光拍拖以來少有以情侶姿態公開現身,今晚他們手拖手出席《櫻桃小丸子30周年紀念特別劇場版》首映兼生日會,Jeana自言由細看到大,更謂是失眠最佳良藥:「就算唔睇畫面,聽住聲我就好易瞓得着!」談到可有簽約新公司,她坦言仍在考慮中:「同內地嗰邊有傾,自己今年28歲係關鍵嘅時候,嚟緊嘅合作好緊要。大家要一條心,目標要一致先容易達到。(男友有冇畀意見?)有。(要咩條件先考慮?)始終我係內地人,有時想返去嗰邊發展。」

Jeana笑言煩惱到「成頭問號」,記者叫她索性與男友簽約,她回應:「我冇諗過做副導演,連拍段video都唔得,都係做番自己擅長嘅嘢。(擅長做咩?)其實好鍾意拍內心戲,但香港機會唔多,男仔機會多啲。」提到男友的作品有不少內心戲,叫對方為她度身訂造角色時,Jeana說:「唔好,佢好專業。(因太熟?)我冇乜嘢,有時睇緣份。(怕工作影響感情?)唔會,我哋通常傾工作。」問到何時與男友拉埋天窗時?她表示數年後:「咁大個人喺度問佢啦!我唔急。」

(東方日報)

留下一個答复

請輸入留這
請輸入名字