OP娛樂 【被隊友硬撬牆腳】嬲爆取消...

【被隊友硬撬牆腳】嬲爆取消關注IG正式擘面

14306
0
分享

Super Girls成軍5年,成員趙慧珊(Aka)、吳嘉熙(Cheronna)、陳穎欣(Yanny)、蔡明思(Jessica)和李靜儀(Heidi)一直畀外間嘅印象都係5個女仔一條心,日前Cheronna仲喺ig post感言,仲話好愛咁多位成員,不過其實佢哋嘅友情存在暗湧。

 

有Heidi閨密爆料,最年輕嘅成員Heidi喺2013年底同今年33歲嘅有米監製Gareth Chan(陳考威)撻着,佢哋拍拖10個月,一直保持地下情,就算因為喺ig post咗喺台灣食壽司嘅片而被網民踢爆戀情,佢哋都齒口否認。有傳當時男方主動同女友提出分手,而中間就係因為Heidi嘅隊友Yanny陳穎欣介入,雖然Heidi落力箍煲,不過Yanny發功硬搶成功,而最近有傳媒就得悉Yanny同Gareth嘅戀情而被跟蹤,關係面臨曝光,據知其公司知道被訪為保女團形象,向有關人等落封口令。而閨密又指勝利者Yanny有男友撐仲不時向輸家Heidi示威,不時單單打打,又組小圈子排擠Heidi。

 

而Heidi被Yanny撬牆腳又要被封口,就連當日拍拖一事亦不能承認,今次仲要啞子食黃蓮,有苦自己知,而喺上月7日喺Instagram貼出旋轉木馬嘅相片,並留言:「我信因果報應。」似乎有所暗示。據知,公司要求全隊成員封嘴,否則會被掟入雪櫃,又Heidi更臨時接通知突然安排出埠工作,要佢暫時遠離是非地,Heidi心情跌落谷底,情緒大受影響,有周刊今日致電Heidi,佢接聽電話,甫聽問題即匆匆掛線。

 

另外,又有周刊報導,一直耿耿於懷的Heidi得知兩人相戀後,即時取消關注Yanny的Instagram(ig)帳戶,正式與Yanny擘面!

留下一個答复

請輸入留這
請輸入名字