OP娛樂 【36歲唐詩詠】唔止喺最佳...

【36歲唐詩詠】唔止喺最佳女朋友 仲喺超級乖乖孝順女﹗

87
0
分享

36歲唐詩詠同洪永城拍拖3年,屢傳婚訊,雖然話唐詩詠係一個「不能錯過嘅女友」,不過已係高齡產婦,如果想生BB,又真係要早啲結婚,喺大台劇《不懂撒嬌的女人》中,遇到「不婚男」Saving哥,令感情有啲拖拖拉拉,今日有周刊指,唐詩詠現實中嘅男友洪永城似乎未求婚,近日唐詩詠喺個人facebook「漏口風」講想生B,又講想組織家庭,唔會特別去計劃,希望隨心去做。

 

唐詩詠感情史亦好簡單,初戀嗰陣同余文樂拍過拖,之後就同崔建邦拍拖9年,二人離離合合,被崔建邦多次背叛,仍然原諒對方,唐詩詠喺工作上並唔順利,有段時間試過9個月冇工開,佢要出街扮返工,直至佢阿媽問佢點解冇劇出街,唐詩詠先講出成件事,唐詩詠一向好顧家,就算出嚟工作都係同爸爸一齊住。

 

報道又講唐詩詠廿歲已經孭起屋企巨債,當時媽咪做保險跑數,爸爸喺大陸做嘢,唔係成日返香港,唐詩詠喺2009年面對嘅壓力最大,媽咪離逝,爸爸退休,大佢5年嘅胞兄炒燶股票,大嫂又陀緊B,唐詩詠都願意為頭家付出,不過唐詩詠一向冇後台,喺大台15年都係由低做起,試過有友人喺背後講佢應該撈唔掂,點知佢最近《不》同王浩信演一對,成為焦點,演得確係唔錯,不過未知係無綫唔同佢續約,定佢有心離巢,有傳佢下月約滿無綫,早前拍《天命》被安排做閒角,點知一拍完《不》,人氣急升,先有機會拍新劇咋,同袁偉豪拍愛情劇!!

(蘋果日報)

留下一個答复

請輸入留這
請輸入名字