17.9 C
Hong Kong
星期二, 十二月 12, 2017
OP娛樂 【姊妹情不再】Kary:緣...

【姊妹情不再】Kary:緣來緣去

23609
0
分享
雖說娛樂圈競爭大,但亦有唔少friend爆姊妹團,前組合Cookies成員:鄧麗欣(Stephy)、區文詩(Angela)、楊愛瑾(Miki)、吳雨霏(Kary),4人多年來都老友鬼鬼,即使各有各忙,都會盡量抽時間聚一聚,儼如「四位一體」。

不過,「餅太/女」們關係最近生變,《蘋果》收到消息,同樣已成為人妻的Kary和Miki,原來在去年Kary被爆小產後,姊妹情緣盡。消息指,今次「做主動」的是Kary。事件有跡可尋,Kary早前低調地將instagram「重整」,一次過取消所有追蹤,據知是不想太著跡,讓外間發現她unfollow了Miki。此外,Kary又將Miki的相片悉數刪除;早前Miki生B,Kary亦未有往探望。相反,Miki在ig上,未見任何「異動」。

Kary主動與Miki劃清界線,局外人Stephy和Angela都不便插手,兩人惟有「走多場」,輪流約Kary同Miki見面,4人聚會變成3人行,今個月初去都有約埋去探啱啱生完嘅Miki同BB。

Kary今次態度如此決絕,追源溯始,事件源由是去年Kary痛失胎兒一事。知情者稱:「Kary一直守住呢個秘密,知道嘅人只有身邊極少數朋友,估唔上年11月會俾人爆咗出嚟,令Kary又傷心又嬲,估唔到自己信任嘅人,原來會出賣佢。」據知,小產事件曝光仲上埋封面後,Kary好快已經鎖定「目標」,矛頭直指某人,但她未有當面指摘,只是狠不決心,不再當對方係朋友,因為覺得好失望,感覺猶如傷口灑鹽。

《蘋果》向Kary求證此事,她透過WhatsApp回覆,稱:「大家最近各有各忙啊!」又用「緣來緣去」,默認姊妹情有變:「最近真的很忙啊!我好相信緣份,能夠做到家人同朋友都要講緣份,緣來緣去!」對於私隱被洩,Kary不願多談,只表示:「冇再諗呢件事」。而《蘋果》就事件曾聯絡Miki,但未獲回覆。

 

 

(蘋果日報)

 

留下一個答复

請輸入留這
請輸入名字

喜歡我們的文章嗎?按個讚吧!

關 閉 視 窗

(9258)