OP娛樂 【幸福姊弟戀】四年抱三最犀...

【幸福姊弟戀】四年抱三最犀利

10214
0
分享

姊弟戀於近年已經變得相當普遍,有周刊近日做咗一個小分享,share咗幾對已經開花結果嘅姊弟夫妻,力證愛情冇分年齡界限。當中有人更喺四年抱三,組織咗個幸福大家庭。。。

陳妍希、陳曉【年齡差:4年】 憑《那些年,我們一起追的女孩》爆紅嘅台灣女神陳妍希,到今個月31號就踏入34歲,佢幾年前拍攝大陸劇《神鵰俠侶》時,與「過兒」陳曉戲假情真,兩人暗交,直至前年於微博承認戀情,舊年7月正式註冊結婚,並喺舊年12月誕下一子陳睦辰。

楊千嬅、丁子高【年齡差:5年】 現年43歲楊千嬅43同丁子高於07年拍拖,兩年後喺美國秘密註冊結婚,到2012年6月,一索得男誕下囝囝丁進諾(Torres),千嬅其後兼顧家庭及演藝事業,近年更放聲氣話想為丁家添B。

小雪、松山研一【年齡差:8年】 現年32歲、喺2006年憑電影版《死亡筆記》中L一角爆紅嘅日本男星松山研一,於2008年因與比自己大8年嘅女優小雪合演電影《卡姆伊外傳》日久生情,翌年被揭戀情,最後兩人於2011年宣佈同拉埋天窗,並先後於2012、2013及2015年生BB,至今合共有2子1女。

白智英、鄭錫元【年齡差:9年】 主唱韓劇《秘密花園》插曲《那個女人》原唱者白智英,今年已41歲,佢喺2013年嫁畀比自己細9年嘅男演員鄭錫元,當時佢係奉子成婚,可惜不幸小產,好彩佢好快再養番好身體,並宣佈再度懷孕成功,BB將會喺今個月內出世。

(蘋果日報)

 

 

留下一個答复

請輸入留這
請輸入名字