OP娛樂 【暖男Saving王浩信】...

【暖男Saving王浩信】守承諾、錫囡又錫老婆

59
0
分享

33歲王浩信最近憑《不懂撒嬌的女人》嘅Saving哥一角,被封為暖男,人氣更勝過之前拍《EU超時任務》做渠頭,出街有唔少女fans搵佢「集郵」,今年撞正大台一次過開三套重頭劇,加上「Saving效應」不時要出騷同做宣傳,身為人夫嘅王浩信真係幾忙。

今日有周刊指,王浩信成年冇放假,冷落老婆陳自瑤,雖然陳自瑤都係圈中人,明白上位係機會難逢,不過陳自瑤當然想個老公多啲陪住自己,有時都搵好姊妹呻吓,講自己好耐冇見過老公,周四陳自瑤出席活動,陳自瑤就話係觀眾睇到劇太投入,劇中王浩信係好男友,不過生活中佢係一位先生,身份上係唔同,之前佢哋拍拖年年去旅行,過一次二人世界,但係王浩信成年冇放假,陳自瑤都認唔住話暫時都未就到時間。

報道又指,王浩信為咗配合Bosco趕拍TVB網劇《飛虎極戰》,現時《溏心風暴3》劇照要先拍咗Bosco啲戲份先,加上王浩信有好多場口對手都係Bosco,所以最近趕拍都幾忙,估計要拍到7月尾,據知情者講之後王浩信有3個禮拜假期,放完先再開工,王浩信一直唔講係想俾個驚喜老婆同囡囡,原來王浩信唔只履行一年去一次旅行嘅承諾,更有意喺租住嘅將軍居區置業,首選買淺水灣豪宅,仲想將層樓寫老婆陳自瑤個名,現實生活中Saving哥都係一個暖男,老公咁錫佢,陳自瑤唔使詐型喇!

(蘋果日報)

留下一個答复

請輸入留這
請輸入名字