OP娛樂 【結婚x唔生B】新婚孫耀威...

【結婚x唔生B】新婚孫耀威:唔係養唔養到問題,係…

22367
0
分享

孫耀威、黃錦燊、天堂鳥及陸詩韻等今晚喺尖沙嘴出席一娛樂公司嘅晚宴。已註冊成為人夫嘅孫耀威透露唔少家人及親友都住喺英國,而妹妹早前已由倫敦移居到瑞士,佢話:「不過妹妹成日歐洲周圍走,表弟、妹住英國唔同省份。覺得成個世界都唔安全,媽咪早兩年已經叫妹妹要多啲小心。」

 

孫耀威覺得呢個世界很可怕,令到佢唔想生小朋友,佢話:「唔係養唔養到問題,係成個世界好似好黑暗、好可怕同可悲,唔係好適合人類。」目前佢正忙於物色合適嘅教堂辦交換戒指儀式,補辦喜酒係後話。另外,剛拍完劇集嘅陸詩韻會忙自家護膚品牌嘅宣傳,佢仲話想組織一隊保齡球隊,佢話:「主要招攬商界人士,男女都得,因為近排自己愛上打保齡,試過覺得幾型,有私家波同鞋,組成咗可以做吓慈善。」

(蘋果日報)

留下一個答复

請輸入留這
請輸入名字