OP娛樂 【愛情長跑十幾年】咩嘢喺最...

【愛情長跑十幾年】咩嘢喺最重要﹖

21
0
分享

踏入人生新階段,賦予人夫新身份,周柏豪不察覺在生活模式、對人對事的態度上有大改變,反而自覺未長大,「雖然我覺得自己係比較成熟去處事嘅人,但係內裡仲有個好細嘅周柏豪喺度,嗰個細嘅周柏豪主導緊我成個人,如果你o依家撩我玩,我可以玩到好癲、好喪、好低能,嗰個先係真嘅我。」真我,在與朋友相處、遊玩時出現,文靜的另一面則多在工作時現身。

 

在新片《原諒他77次》中,柏豪飾演的張智思經常與由蔡卓妍(阿Sa)所飾的女友因小事磨擦,被對方嫌棄長不大,「我第一身,永遠都覺得感情唔係得一方錯,一定係兩方面互相影響先產生問題。久而久之,大家當個問題係習慣,然後大家覺得得過且過,時間會搞掂,遲啲會冇嘢㗎喇,或者o依家有嘢啫,唔係好大不了,由佢啦。咁樣令問題好似雪球咁越滾越大,終有一日佢會爆。」

 

真實的柏豪傾向速戰速決任何問題,從沒有在感情方面遇過雪球效應,「我係一遇到問題就要即刻解決嘅人,我以前有首歌叫《天下大亂》,就係描繪我呢種性格嘅人。訓覺等過夜,要朝早先講,我係唔可以㗎,同邊個都好,有問題係要坐低講咗佢。」自知這種性格有好有壞,「好就係我唔鍾意啲問題隔過夜,令大家有心病。唔好就係令對方唞唔到氣,亦唔放過自己、畀自己沈澱吓。」幸而,他沒有因此與老婆頻頻爭執,「同另一半好有溝通,一遇到問題,我哋係會傾,唔係一邊做嘢,一邊電話傾,而係會坐低傾。」傾傾發生了的問題,傾傾將來,二人才走到今時今日。

(蘋果日報)

留下一個答复

請輸入留這
請輸入名字