OP娛樂 【連女都生埋】林心如霍建華...

【連女都生埋】林心如霍建華發聲明

21916
0
分享

號稱大陸「宋大嘴」嘅宋祖德之前爆料謝霆鋒同王菲分手,仲原定喺今日開估,睇吓到底係霆鋒定佢食400克狗屎,點知佢噚日臨門一腳,「放寬限期」到8月8號、亦即事件女主角王菲生日當日揭盅,仲威脅話王菲唔講真話就爆大鑊!

 

舊數未找清,「新帳」又嚟料!日前宋大嘴又喺微博爆料,話舊年舉行盛大婚宴嘅台灣星級夫婦霍建華同林心如未註冊結婚,話佢哋只係舉辦咗婚禮,喺法律上並未係夫妻,兩人只係「非法同居」。此言一出,當然吸引大批網民睇。

 

不過,林心如同霍建華嘅工作室,針對呢單傳聞,今日委託咗北京星權律師事務所發聲明,指某新浪微博用戶(網絡連接為宋祖德的微博帳號)於今年5月22日公然發布《霍建華與林心如竟然沒有領結婚證!》一文,霍建華夫婦對文章內容惡意杜撰及不實內容感到震驚,決定發聲明公開澄清,霍建華夫婦已於去年辦理結婚手續,而且對於相關微博用戶及轉載該文章嘅媒體及網終用戶,將採取行動停止侵權行為,並向霍建華夫婦賠禮道歉,以及賠償損失在內的一切法律責任。

 

聲明中稱截至發聲明為止,文章仍在線,不過發聲明之後,文章已下架,亦無法再睇到。

 

霍建華夫婦連女都生埋先嚟講呢啲?

而昨晚十一時四十五分,宋祖德發出「更出聲明」:「【更正聲明】中國台灣地區夫妻結婚與大陸不同,大陸是到民政局婚姻登記處登記並領取結婚證,而中國台灣地區夫妻結婚只在戶籍處登記,不辦理結婚證,夫妻沒有結婚證是正常的。本人微博所寫霍建華林心如未領結婚證,表達方式不太嚴謹,向霍老師林老師致歉。特此申明! 」博文一出,大批網民直指宋祖德「淆底」、「前言不對後語」、「夠膽寫冇膽認」,更指佢嘅言論根本不可信!

(蘋果日報 / 東方日報))

留下一個答复

請輸入留這
請輸入名字