OP娛樂 【婚後準備離開大台!】「阿...

【婚後準備離開大台!】「阿一」布偉傑與女友拉埋天窗

1450
0
分享

布偉傑(阿一)與化妝師女友Celia已於5月20日在美國猶他州拉埋天窗。

他們更回到家鄉鹽湖城影婚紗相。

阿一表示:「喺嗰邊係因為我爸爸媽媽唔方便嚟香港,年紀大又多病痛,之後喺鹽湖城同埋我公公婆婆嘅鄉下影咗婚紗相。我哋嘅香港攝影師朋友專登飛過去,佢原本想喺Moab影,因為比較有名,但係我話去Capitol Reef National Park,因為係我公公婆婆嘅鄉下,會對我更加有意思。」

阿一透露將會在香港補擺喜酒,計劃了一個反傳統的婚宴。「我哋喺6月16號有個反傳統嘅婚宴,因為我同Celia成日要工作上去宴飲,所以有啲厭倦例牌嘅餐單,咁喺當晚嘅餐單會有啲新意思,加上我嘅宗教信仰(耶穌基督後期聖徒教會),當晚唔會提供酒。我哋都見過太多場面係啲人飲到亂晒,所以想避免麻煩,想大家可以enjoy當晚嘅菜色同音樂。」

講到婚後努力造人,阿一說:「唔急住生小朋友,順其自然,都想生嘅。」講到婚後的工作安排,他表示:「我仍然做自己經理人,同TVB仲有大半年合約,不過冇打算續簽,目前已經拍緊一個大電影同埋排緊個舞台劇《我和青天有個秘密》,舞台劇會喺新光戲院做41場,其餘時間就繼續準備同作自己親自作嘅廣東歌。」

 

(on.cc 東網)

留下一個答复

請輸入留這
請輸入名字